سيداتي سادتي متابعين مدونة لاأبرح حتى أبلغ
هذه المقالة مهمة جدااااا لأنها حرفياً مليئة بالنصائح للطلاب الجدد أو الطلاب القدامى الي متلغبطين(تايهين) في الجامعة
فرجاءً تقرء بتركيز وتمعن عشان عند دخول الجامعة متتلغبطش أو تكون جاهز.
قبل ما نبدء صل على النبي💙 💚 💙
لازم تعرف إن أنت داخل مرحلة جديده تماماً يعني فيها ألتزام أكبر والاعتماد على النفس أكثر .
أولاً: أول يوم أذهب إلى الجامعة قبل ميعاد المحاضرة بوقت كويس ليه ؟ علشان هتاخذ وقت على ما تعرف فين مدرج المحاضرة أو تعرف فين مكان الكلية .
سيبك من حكايه أنا داخل الجامعه وفاكر إن الجامعه زي مثلاً سعيدي في الجامعه الأمريكية أو مثلا ً مثل فيلم الباشا تلميذ ...لا خالص ، الجامعه حاجه تانية خالص 😏.
ثانياً: عشان تفهم الدنيا وما تبقاش تايه في الدنيا لازم تسأل طلاب أكبر منك والمعيدين عن حاجات كثير منها(ماهو نظام الكلية ، وما هو تعامل الدكاترة مع الطلاب ، وما هو الطريقة اللي بتذاكر بها بتخليك تجيب تقديرات عالية ، وأزاي أذاكر المواد بتاعت الكلية ، وأسئله أيضاً هو اتعلم ايه (خبراته خلال المدة التي قداها في الكلية).
ولكن نصيحة 👈 اسئل المتفائلون فقط (أصحاب التقديرات العالية) لأن دول بجد هما اللي هيفيدوك وأوعي تسئل الطلاب المتشائمون (اللي مقديها من الآخر) لأن الطلاب دي هتخليك متشتت أكثر من الأول.
ثالثاً: لو أنت ولد أختار يكون لك صاحب أو أصدقاء محترمين ، ولو أنت بنت صحبي وأختاري فقط الأصدقاء المحترمين في مثل بيقول (الصديق قبل الطريق) ولكن المحترمين فقط لأن دول اللي هيصحبوك بجد وهيخافوا عليك بجد وهيعلوك بجد سواء فكرياً أو تعليمياً أو سلوكياً 💗.
يعني أختار الصاحب الي يشجعك بجد على المذاكرة ويشجعك على الصلاة ويشجعك على الخير ، فنصيحة من أخ ✋ أحذر صديق السوء ده بجد هينزلك سواء سلوكياً أو اخلاقياً أو حتى قكرياً وتعليمياً.
هتسئل نفسك هو فيه صحاب في الزمن ده كده هقولك أه والله فيه صحاب محترمين جدااا بس أنت دور وهتلاقي وهتلاقي معظمهم بيقعودوا في أول المدرج (الناس الدحيحة دي)💪😉
رابعاً: لازم يكون ليك هدف داخل الكلية هات ورقة وقلم وأكتب:
1.ماهو هدفك؟
2.ماهو طموحك؟
3. عاوز أتخرج بتقدير (؟؟) إن شاء الله .
4.الالتزام أول شروط النجاح .
هتسئل نفسك وتقول أنا دخلت كلية مجموعي اللي جبني ليها أرد عليك وأقولك طالما دخلت الجامعة لازم تحدد ليك هدفك وتحاول تحب الكلية اللي أنت دخلها ( حاول تخلي المحنة منحة ) أكيد ده الخير لأنه طالما أختار الله سبحانه وتعالى ليك هذه الكلية كن على يقين أن هذه هي الأفضل لك .
خامساً: (لا تؤجل عمل اليوم الى الغد) ذاكر المحاضرة أول بأول كي لا تشعر بالقلق عند قرب الامتحانات و كمان عشان لو الدكتور دخل المحاضرة وسئل فأنت تكون جاهز ولو يامعلم جاوبت على السؤال صح بتاع الدكتور وكمان حفظ أسمك أنت كده أعمال السنة في جيبك ولكن يجب أن تكون ملتزم و أيضاً حليت الكويزات صح عشان تقدر تاخد أعمال السنة إن شاء الله 👏 .
سادساً: نصيحة لوجه الله سبحانه وتعالى سيبك من الحكايات إن الولد يصاحب بنت / والبنت تصاحب ولد النظام ده غلط تماماً ليه؟
بقول للبنات: بقول لحضرتك خافي على (بباكي ومامتك) وقدري هما بيتعوا قد أيه عشان حضرتك توصلي للجامعة يعني متخلهومش يزعلوا منك .
وبقول للولد بلاش تصاحب بنات بداعي إن هم صحابي صدقني الكلام ده غلط عشان هل يرضي حد يكلم أو يصاحب أخواتك البنات فرجاء اللي متردهوش على نفسك متردهوش على غيرك.
سابعاً: رجاء احترام الدكتور عشان لو عملت حاجة مش عجباه في المحاضرة لو دكتور شرير ممكن يفصلك من الكلية أو على الأقل ممكن يخليك تشيل المادة أما لو دكتور بسيط ممكن ياخد إجراء ممكن يكون بسيط ( أنا مش بخوفك ولكن بحظرك ) 👍.
ثامناً: نصيحه مهمه جداً عن تجربه لو عايز تسأل الدكتور في المحاضره أرفع أيدك.... بلاش الشغل الهمجيه بتاعت الطلاب دي ، عشان ممكن الدكتور ميعجبوش هذا التصرف.
تاسعاً: أعمل
التليفون silent لأن فيه دكاترة بتضايق من
موضوع إن التليفون يرن في المحاضرة : ممكن توصل إن الدكتور ميشرحش المحاضرة ويقول
أتشرحت.
عاشراً: أكتب المحاضرة لأن في الكويزات الدكتور بيجيب من المحاضرات اللي أنت كاتبها وكمان بيجيبوا بين السطور خلي بالك.
أحد عشر: لازم
تعرف مهارات في الجامعه(تحاول تعرف أنت عندك مهارة أيه ونميها ,أشتغل على هذه
المهارة ، وحاول تحضر وتروح أنشطة طلابية أنا شخصياً كنت فاكر إن
الانشطة دي مش مهمة ولكن أتضح ليا إن الأنشطة الطلابية مهمة وبتقدر تتعلم مهارات
جديدة لحياتك .
اثنى عشر: أدخل في جروبات فيس وواتس للكلية اللي أنت داخلها عشان بينزلوا عليها أخبار ومعلومات هامة .
ثالث عشر: ودي أفضل نصيحة خليك مع الله سبحانه وتعالى تكون أفضل الناس.
وفي النهاية 👈 لو مجموعك هو اللي جابك للكلية صدقني بجد الحمدلله بسم الله الرحمن الرحيم (وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ) صدق الله العظيم .
معظم الناس الناجحة هتلاقيهم مش من الكليات القمة ، وخلي بالك مش عشان أنت دخلت كلية مش حببها تبقا فاشل لاء طبعا ، الفشل إن أنت متثبتش نفسك في الكلية بتاعتك. عشان كده لازم تتعلم من أخطائك وتتقرب إلى الله سبحانه وتعالى و تحاول تطور من نفسك .
بجد النصائح دي من القلب فياريت إن شاء الله تعملوا بالنصائح دي عشان مش هتلاقوا حد ينصحكوا كمية هذه النصائح بجد💗
لو عجبك المقالة ياريت تكتبلي في التعليقات
ومتنساش تشترك في المدونة عشان يجيلك المقالات الجديدة .
💙دمتم موفقين💙
إرسال تعليق